Eyrún, Jobbi, Ásdís og Birkir

Frönsk súkkulaðikaka

Mmmm, hún er svoooo góð! Ég bakaði eina svoleiðis áðan og bíður hún núna eftir því að Ingunn, Halldór, Hafdís og Helena komi heim úr bænum. Hún heppnaðist nú öllu betur heldur en þegar ég var að baka fyrir afmælin okkar Jobba í sumar, flæddi ekki neitt:-). Þetta er kannski málið... að taka svona vel á móti gestum að það komi bara fleiri og fleiri:-) Nú er það nefnilega komið á hreint að pabbi kemur á mánudaginn og gistir í eina nótt, síðan á miðvikudaginn þá kemur Margrét systir og verður fram á sunnudag. Það lítur því út fyrir 40% nýtingu gistinátta í september!!! Ekki slæmt það. Dýnurnar og sængurnar sem við keyptum væru sko löngu búin að borga sig ef við myndum setja upp verðskrá;) Annars er enginn búinn að panta gistingu neitt meira fyrr en í nóvember þ.a. það ætti að verða nokkuð rólegt hér næstu mánuði.